29 apreldan 4 mayga qadar “Bunyodkor” akademiyasi maydonlarida Toshkent shahri va Toshkent viloyatida joylashgan 70 dan ortiq oliy ta’lim muassasalari talabalari o‘rtasida “Students Cup” futbol musobaqasi bo‘lib o‘tdi.

1000 nafarga yaqin yoshlarni birlashtirgan ushbu musobaqa bir hafta davom etdi. Shiddatli o‘tgan saralash bahslaridan so‘ng, kecha, 4 may kuni yarim final va final bahslari o‘tkazildi.

Unga ko‘ra:

1-o‘rinni Toshkent davlat texnika universitetining “Texnika” jamoasi;

2-o‘rinni Ichki ishlar akademiyasining “IIV akademiya” jamoasi;

3-o‘rinni O‘zbekiston davlat san’at va madaniyat institutining “San’at” jamoasi egalladi.