"Челси" бош мураббийи Маурисио Почеттинога еврокубоклар йўлланмаси учун кураш ҳақида савол беришди. Якшанба куни "пенсионерлар" ўз майдонида "Вест Хэм"ни 5:0 ҳисобида мағлуб этишди.
“Еврокубоклар учун курашасизми? Биз бу куч ва ишончни сақлаб қолишимиз керак. Эртага дам оламиз, сешанбадан эса “Ноттингем Форест”га қарши ўйинга тайёргарлик кўрамиз. Биз босқичма-босқич ҳаракат қилишимиз керак, энг муҳими бу менталитет", - деди Почеттино.
"Челси" ҳозирда Премьер-лига турнир жадвалида 7-ўринда бормоқда, бу эса уларни Конференциялар лигасига чиқиш ҳуқуқини бериши мумкин.
