Роберт Левандовски Килиан Мбаппенинг фазилатларини юқори баҳолади.

“Агар сиз Килианни бошқа футболчилар билан солиштирсангиз, у бошқа типда эканлигини тушунасиз. У ёш футболчиларга футбол ҳаётда биргина муҳим нарса эмаслигини айтади.

Шунингдек, у нафақат футбол майдони, балки ҳаётда ҳам шахсият намунасидир. У жуда ақлли йигит, у нима қилишни ва буни қандай қилишни истаётгани ҳақида жуда аниқ тасаввурга эга.

Унинг юрадиган йўли аниқ. У нафақат футболчи, балки инсон сифатида ҳам ақлли. Мен буни бир неча йил олдин биринчи марта кўрганимда ҳис қилдим.

Килиан билан кўп нарса ҳақида гаплашишингиз мумкин. У билан гаплашганингиздан сўнг, унинг жуда жиддий инсон эканлигини тушунасиз", - деди “Барселона” ҳужумчиси.