Саудия Арабистони клублари "Астон Вилла"да ижара асосида ўйнаётган "Барселона" ҳимоячиси Клеман Ланглега қизиқиш билдирмоқда. Бу ҳақда Diario Sport хабар бермоқда.
Аммо футболчи бу мамлакат клубларидан бирига ўтиш вариантини кўриб чиқмаяпти. У фаолиятини Европада давом эттирмоқчи.
Лангле 2018 йилнинг ёзидан бери "Барселона"га тегишли бўлиб, у "Севилья"дан 36 миллион еврога сотиб олинганди. Унинг каталонияликлар билан шартномаси 2026 йилнинг ёзига қадар амал қилади. У ўтган мавсумни "Тоттенхэм"да ижара асосида ўтказди.
Лангле ушбу мавсумда бирмингемликлар учун 24 ўйинда 1 та гол урди.
