“Лилль” марказий ҳужумчиси Жонатан Дэвид фаолиятини “Милан”да давом эттириши мумкин.
Европанинг етакчи жамоалари таъқиб қилаётган “Болонья” ҳужумчиси Жошуа Зиркзеени сотиб ололмаса, кейинги трансфер ойнасида 24 ёшли канадалик футболчини қўлга киритиш варианти “Милан” учун устувор вазифага айланади.
Жорий мавсумда Дэвид барча турнирларда 44 та учрашувда майдонга тушиб, 24 та гол урди ва 8 та голли узатмани амалга оширди.
Форварднинг "Лилль" билан шартномаси 2025 йилнинг ёзига қадар мўлжалланган. Transfermarkt портали канадалик футболчининг нархини 50 миллион еврога баҳоламоқда.
