Италиялик собиқ ҳужумчи Антонио Кассанога камтарлик, деган сўз бегона. У ўзини Италия футболи тарихидаги энг яхши футболчилар ўнталигига киритди.
Шу билан бирга, у кучли ўнликдаги бошқа футболчилардан ҳам иқтидорлироқ эканини, лекин буни майдонда ҳар доим ҳам ифодалашнинг иложи йўқлигини айтиб ҳазиллашди.
"Роберто Баджо ва Франческо Тоттини биринчи ўринга қўяман, бу Италия футболида содир бўлган энг яхши воқеа. Дел Пьеро уларнинг орқасида, мен кучли ўнталикнинг охиридаман. Менда ҳаммадан кўра кўпроқ истеъдод бор эди, лекин жумадан якшанбагача у қаергадир йўқоларди", - деди Кассано.
