"Ливерпуль" марказий ҳимоячиси ва сардори Виржил Ван Дейк АПЛ чемпионлиги учун курашда жамоасининг имконияти пасайиб кетганига баҳо берди.
“Биз ҳал қилувчи дақиқаларда етарлича ўйин кўрсата олмадик. Бу ҳаёт. Бундай тажриба ҳам фойдали - унинг ёрдамида сиз келажакда яхшироқ бўлишингиз мумкин", - деди "қизиллар"нинг нидерландиялик футболчиси.
36 та ўйиндан сўнг “Ливерпуль” турнир жадвалида “Манчестер Сити”дан 4 очко, пешқадам “Арсенал”дан 5 очко ортда қолиб, учинчи ўринда бормоқда. Шу билан бирга, Хосеп Гвардиола жамоаси рақибларидан бир ўйин кам ўтказган.
