Мюнхеннинг “Бавария” клуби энди Ханс-Дитер Фликнинг бош мураббий лавозимига қайтишини инкор этмайди. Журналист Флориан Плеттенберг берган маълумотларга кўра, германиялик мутахассис муайян шароитларда сафга қайтишга тайёр.
"Бавария" янги мураббий топишда муаммоларга дуч келмоқда, чунки клубни аллақачон 4 хил мутахассис рад этган: Хаби Алонсо, Ральф Рангник, Хулен Лопетеги ва Юлиан Нагельсманн. Мюнхенликлар тез орада Флик билан музокараларни бошлашлари мумкин.
Эслатиб ўтамиз, Ханс-Дитер 2020 йилда "Бавария"га треблга эришишга ёрдам берган. Жамоа охирги марта Флик қўл остида Чемпионлар лигасида ғолиб чиққанди.
