Мадриднинг “Реал” клуби мавсум якунланишига тўрт тур қолганда муддатидан аввал Испания чемпионига айланди.
Испания Қироллик футбол федерацияси вакиллари "қаймоқранглилар"ни навбатдаги "Гранада"га қарши ўйинда тақдирлашни хоҳлашди.
Бироқ мадридликлар бу вариантни рад этди, чунки “Гранада” келаси турда олий дивизиондан тушиб кетиши мумкин.
"Реал Мадрид" шундай вазиятда тақдирлаш маросимини ноўрин деб ҳисоблади. Marca нашри хабарига кўра, "Реал Мадрид" иккита тақдирлаш маросимини ўтказади. Биринчиси якшанба куни клуб базасида бўлиб ўтади, иккинчиси эса клуб томонидан 14 май куни "Алавес"га қарши ўйинда ўтказилади.
