Бугун бўлиб ўтган «Динамо» - «Гулистон» (0-0) учрашувидан сўнг бўлиб ўтган матбуот анжуманида биринчи бўлиб меҳмонлар устози Бахтиёр Ашурматов иштирок этиб журналистлар саволларига жавоб қайтарди.

«Бугун биз учун жуда оғир ўйин ўтди. Бу ўйинда «Динамо» устунлик қилди. Бизда ҳам бир неча қулай вазиятлар бўлишига қарамай биз якунлай олмадик. Мақсадим бўйича ҳам бизнинг жамоа қарши ҳужумда ўйнаш эди. Олий лигага чиққан жамоа учун ҳар бир очко қимматлидир. Жамоа олий лигада 4-5 ўринни мақсад қилиб эмас очко олиш учун майдонга тушмоқда ва буни самарасини мавсум охирида кўрамиз.

Бугунги ўйин учун мухлислардан узр сўрайман. Мен шогирдларимга иложи борича арабча футбол қилмасликка чақирдим. Жумладан охирги дақиқаларда докторларни майдонга тушмаслигини ҳам сўрадим. Футболчилар ҳам 90 дақиқа ўйнаб чарчашди ва вақт чузишга кўп бор мажбур бўлишди. Мен ҳар доим ҳалол ўйин тарафдориман.

Олдинги мавсумдаги таркибни сақлаб қолган ҳолда жамоа туздик ва «Қизилқум» билан ўйинда ўтган йилги таркибдан 9 нафар футболчи майдонга тушди. Бугун ҳам 5-6 нафар футболчи бир йил муқаддам ҳам «Гулистон»  таркибида ўйнаб жамоани олий лигага олиб чиқишга ҳисса қўшган эди», дея фикрларини билдириб ўтади «Гулистон» клуби бош мураббийи.