Сешанба оқшомида Парижда Европа Чемпионлар Лигаси ярим финалининг жавоб ўйинида маҳаллий "ПСЖ" ва Дортмунднинг “Боруссия” клублари ўзаро баҳс олиб борди.
Иккинчи бўлим бошида “асаларилар”нинг тажрибали ҳимоячиси Матс Хуммельс ҳисобни очди – 1:0. У бу голи билан Чемпионлар лигасининг плей-офф босқичида гол урган энг кекса германиялик футболчига айланди, деб хабар беради Opta Sports.
У голини 35 ёшу 143 кунлигида урган. Матс Чемпионлар Лигаси ярим финалида гол урган учинчи энг қари футболчига айланди.
Ундан Райан Гиггз (37 ёшу 148 кун) ва Эдин Жеко (37 ёш 54 кун) олдинда.