Италиянинг “Милан” клуби ҳужум чизиғини кучайтирадиган футболчиларни қидирмоқда – “россонерилар”нинг қизиқиш доирасига бу мавсум “Женоа”да муваффақиятли ўйнаётган исландиялик ҳужумчи Альберт Гудмундссон ҳам киради. Илгари унга Италия чемпионатининг бошқа гигантлари қизиқиб қолганди - гап "Интер" ва "Ювентус" ҳақида кетмоқда.
Трансфердаги асосий масала нарх - Гриффинликлар жорий мавсумда ўн олтита гол урган футболчи учун 35 миллион евро сўрамоқда. Бу Италия чемпионати учун жуда катта кўрсаткич.
27 ёшли Гудмундссон 2022 йилдан буён ўзининг ҳозирги клубида тўп тепмоқда, аввал у Нидерландияда ПСВ ва "АЗ Алкмаар" каби клубларда ўйнаган.
