"Бавария" дарвозабони Мануэль Нойер "Реал" билан ўйин олдидан Жуд Беллингемнинг савиясини юқори баҳолади.
“Албатта, у “Олтин тўп”га даъвогар. Агар сиз ҳам у каби барча турнирларда иштирок этсангиз, унда сиз номзод бўласиз. Лекин бу Чемпионлар лигасидаги натижага ҳам боғлиқ. Биз унинг фазилатларини Бундеслигада ҳам билардик.
"Реал Мадрид"да у ўзини бомбадек ҳис қилди. У Дортмунддагидан кўра кўпроқ ҳужумкор позицияда ўйнайди, лекин ҳеч ким унинг бунчалик кўп гол уришини ва "Реал Мадрид"нинг ҳужумида муҳим рол ўйнашини кутмаганди. Унинг майдонда ўзгаришлар қилишга қодирлигини биламиз", - дея Нойер сўзларини келтирмоқда AS.
