Машҳур собиқ футболчи Марсель Десайи юлдуз ҳужумчи Килиан Мбаппега маслаҳати билан барчани лол қолдирди.
Мбаппе келаси ёзда "Реал"га ўтиши кутилмоқда.
“Реал Мадрид Мбаппе учун идеал жой эканлигига ишончим комил эмас. Винисиус чап қанотда ўйнайди, бундан ташқари Беллингем каби иқтидорли футболчилар бор.
У ерда Мбаппе сўзсиз етакчи бўлмайди, бироқ Килиан етакчиликни хоҳлайди. Агар бизнес ҳақида гапирадиган бўлсак, мен унинг ўрнида бўлсам, Саудия Арабистонига бир йилга бориб, 350 миллион евро ишлаб топган бўлардим ва бир йилдан кейин у Европага қайтиши мумкин эди.
У эндигина 26 ёшда бўлади. Лекин улар мени эшитишади деб ўйламайман”, деди Десайи Bein Sports нашрига.
