Мадриднинг "Реал" клуби бош мураббийи Карло Анчелотти "Бавария"нинг Чемпионлар лигаси ярим финал жавоб ўйинида ҳакамлар ишига оид шикоятларига жавоб берди.
"Мюнхен жамоасининг офсайд ҳолатлари ҳақида шикоятларми? Майли, унда биз ҳам Начонинг голи бекор қилинганидан шикоят қилишимиз мумкин. Офсайд эпизодини тушунтириш осон. У офсайд бўлган бўлса ҳам, ҳакам аллақачон ҳуштак чалган эди, шунинг учун футболчиларим тўхтаб қолган эди. Ҳаммаси оддий”, - деди италиялик мураббий Madrid Xtra билан суҳбатда.
"Реал" жавоб ўйинида "Бавария"ни 2:1 ҳисобида мағлуб этди. Биринчи учрашувда жамоалар дуранг ўйнашди - 2:2. Финалда “Лос Бланкос” “Боруссия” билан ўйнайди.
