“Аталанта” бош мураббийи Жан-Пьеро Гасперини Европа лигаси 1/2 финали жавоб ўйинида “Марсель” устидан қозонилган ғалаба (3:0) ҳақида фикр билдирди.

“Финал тарихий воқеа бўлади. Бу бизникига ўхшаган жамоалар учун чиндан ҳам ақл бовар қилмайдиган нарса. Билмадим, бугун бенуқсон эдик деб айта оламизми, лекин биз аниқ устунлик қилдик.

Бу ўйин бизнинг қонимизда бор. Биз ҳужумкор ўйинимизни уч хил кўринишда ўтказиш учун бор кучимиз билан ҳаракат қиляпмиз. Имкониятларимиздан яхшироқ фойдаланишимиз мумкин эди: интрига Руджери фантастик иккинчи голни урмагунча давом этди", - дея Гасперинининг сўзларидан иқтибос келтиради УЕФА матбуот хизмати.