Килиан Мбаппе нима учун «ПСЖ»ни тарк этиш ҳақида қарор қабул қилганига изоҳ берди.

«Мен шартномани узайтирмайман. Менинг Париждаги саргузаштларим бир неча ҳафтадан кейин якунига етади. Мен «Парк де Пренс»даги сўнгги ўйинимни якшанба куни ўтказаман. Ҳиссиётларга тўла бўлади...

«ПСЖ» менга ҳам ўйинчи, ҳам инсон сифатида ўсишимга ёрдам берди. Барча жамоадошларим ва мураббийларга раҳмат айтмоқчиман. Бу оғир. Мен ўз мамлакатимни тарк этаётганим ҳақидаги қарорни эълон қилиш бунчалик оғир бўлади, деб ўйламагандим.

"ПСЖ"даги 7 йиллик фаолиятимдан сўнг менга янги синовлар керак. Етти йил давомида сиз менга берган меҳрингизни ҳамиша ҳам оқлай олмадим. Аммо мен ҳеч қачон алдашни истамадим. Мен ҳамиша самарали ўйин намойиш этишга интилдим.

«ПСЖ – шундай клубки, унга нисбатан ҳеч қачон бефарқ бўла олмайман. Уни фақат севиш мумкин. Мен меҳрни танладим ва 7 йил давомида тўп тепдим. Мен бундан афсусда эмасман. Бу клуб умрбод хотирамда қолади», – деди Мбаппе.