"Барселона" "Атлетик Бильбао" клуби футболчиси Нико Уильямсни ўз сафига қўшиб олмоқчи.
Diario Sport хабарига кўра, Каталония клуби 21 ёшли ярим ҳимоячининг трансфери вариантларини аввал хабар қилинганидек 2025 йилда эмас, балки ёзги трансфер ойнасида кўриб чиқмоқда. Компенсация - 50 миллион евро.
Бу трансфер орқали "Барселона" нафақат таркибни кучайтириш, балки жамоада рақобатни кучайтириш ва ҳужум гуруҳидаги баъзи ўйинчиларга клубни тарк этишлари осонроқ бўлиши учун "сигнал юбориш"га умид қилмоқда.
Бироқ, ҳозирда "Блауграна"нинг иқтисодий муаммолари ҳал қилинмаган. Қолаверса, каталонияликлар биринчи навбатда таянч ярим ҳимоячи билан шартнома имзоламоқчи.
Ла Лиганинг жорий мавсумида Уильямс “Атлетик” сафида 28 та ўйин ўтказиб, 4 та гол урди ва 10 та голли узатмани амалга оширди.
