“Ан-Наср” ва Криштиану Роналду навбатдаги совринни қўлдан бой берди.
Ар-Риёд клуби Саудия Арабистони чемпионлигини қўлга киритиш имкониятини йўқотди – “Ал-Ҳилол” мавсум якунланишига уч тур қолганда 12 очко олдинда, муддатидан аввал чемпионликни қўлга киритди.
Бу Роналду келганидан кейин “Ан-Наср”нинг бой берган олтинчи турнири бўлди. Бу мавсумда жамоа аллақачон Осиё чемпионлар лигасидан чиқиб кетган ва Саудия Арабистони Суперкубоги ярим финалида “Ал-Ҳилол”га имкониятни бой берганди.
Клуб ҳали ҳам Саудия Арабистони Қирол кубогида ғалаба қозониши мумкин, финалда "Ан-Наср" яна "Ал Ҳилол" билан ўйнайди. Ушбу ўйин 31 май куни бўлиб ўтади.
