“An-Nasr” va Krishtianu Ronaldu navbatdagi sovrinni qo‘ldan boy berdi.

Ar-Riyod klubi Saudiya Arabistoni chempionligini qo‘lga kiritish imkoniyatini yo‘qotdi – “Al-Hilol” mavsum yakunlanishiga uch tur qolganda 12 ochko oldinda, muddatidan avval chempionlikni qo‘lga kiritdi.

Bu Ronaldu kelganidan keyin “An-Nasr”ning boy bergan oltinchi turniri bo‘ldi. Bu mavsumda jamoa allaqachon Osiyo chempionlar ligasidan chiqib ketgan va Saudiya Arabistoni Superkubogi yarim finalida “Al-Hilol”ga imkoniyatni boy bergandi.

Klub hali ham Saudiya Arabistoni Qirol kubogida g‘alaba qozonishi mumkin, finalda "An-Nasr" yana "Al Hilol" bilan o‘ynaydi. Ushbu o‘yin 31 may kuni bo‘lib o‘tadi.