"Милан" бош мураббийи Стефано Пиоли Италия чемпионатининг 36-турида "Кальяри"га қарши кечган ғалабали ўйин натижаларини сарҳисоб қилди - 5:1.

"Бу жуда муҳим ғалаба, биз узоқ вақт давомида ғалаба қозонмасликка ўрганмагандик. Европа Лигасидан чиқиб кетиб, дербида мағлуб бўлганимиздан сўнг қийин пайтга дуч келдик, юзага келган вазият туфайли биз учун қийин бўлди. Ғалаба қозониш муҳим эди", - дея Пиоли сўзларини келтирмоқда Жанлука Ди Марцио.

Ушбу баҳсда Кристиан Пулишич “россонерилар” сафида дубль қайд этди. Яна бир гол Исмоил Беннасер (36-дақиқа), Тижжани Рейндерс (74-дақиқа) ва Рафаэль Леау (83-дақиқа) ҳисобига ёзилди.

“Милан” (74 очко) А Серияда иккинчи ўринда. “Кальяри” (33) турнир жадвалида 15-ўринда.