2023/2024 йилги мавсум якунида ҳимоячи Начо «Реал»ни тарк этиши катта эҳтимол билан аниққа ўхшаб кетмоқда.
TodoFichajes хабарига кўра, агар вазият бирданига кескин ўзгармаса, 34 ёшли футболчи ёзда клубини ўзгартиради. «Реал» аллақачон Начо ўрнига ким билан шартнома имзолаш ҳақида ўйламоқда. Манбага кўра, мадридликлар биринчи рақамли номзод сифатида Франциянинг «Лилль» клубидан 18 ёшли ҳимоячи Лени Йорони танлаган. Қайд этилишича, "Лос-Бланкос" аллақачон бу трансферга қадам ташлашни бошлаган.
Айтиш жоизки, Transfermarkt портали экспертлари Йорони 40 миллион еврога баҳоламоқда. Иқтидорли ҳимоячига Англия клублари ҳам қизиқиш билдирмоқда.
