"Астон Вилла" бош мураббийи Унаи Эмери "Ливерпуль" билан ўйиндаги дурангдан сўнг (3:3) ўз таассуротлари билан ўртоқлашди.
"Гарчи ҳозирда биз ўзимизга тўртинчи ўринни кафолатламаган бўлсак-да, бу мавсум билан фахрланамиз. Якшанба кунги “Кристал Пэлас”га қарши ўйинга тайёргарлик кўришда давом этамиз. Биз фақат ўзимиз ҳақимизда ўйлаймиз, ҳамма нарса ўз қўлимизда. Бугун ҳисоб 3:3 бўлганидан кейин ҳам гол уриш учун имкониятларга эга бўлдик.
Биз бутун мавсум давомида барқарорликни сақлаб қолишга муваффақ бўлдик, жамоа етуклик ва барқарорликни намойиш этди”, деди Эмери Sky Sports нашрига.
