"Челси" бош мураббийи Маурисио Почеттино Англия Премьер-лигаси доирасидаги "Брайтон"га қарши ўйин олдидан жамоадаги кадрлар ҳолати ҳақида фикр билдирди.
"Кўпчилик футболчилар яхши ҳолатга қайтишди. Ўйлашимча, Чилуэлл қайтишга жуда яқин, лекин унинг жамоанинг бир қисми бўлишига 100% ишончим комил эмас. Чуквуэмеке учун ҳам худди шундай. Биз бу икки футболчини эртага таркибга кириша оладими ёки йўқлигини аниқлашимиз керак. Агар йўқ бўлса, улар шу ҳафта охири қайтишади", - деди Почеттино матбуот анжуманида.
"Брайтон" - "Челси" учрашуви 15 май куни Тошкент вақти билан соат 23:45да бошланади.
