"Манчестер Сити" ва Бразилия терма жамоаси дарвозабони Эдерсон Премьер-лигада мавсумнинг энг яхши футболчиси бўлиш учун номзодлар орасида Родрининг йўқлигидан ғазабланди.
"Рўйхатда яхши футболчилар бор, лекин менимча, Родри рўйхатда йўқ, бироқ у ажойиб номзод эди. Нима учун рўйхатда унинг йўқлигини тушунмаяпман.
Очиғини айтганда, буни қабул қилиб бўлмайди. Агар унинг бу йилги ва сўнгги бир неча мавсумдаги ўйинига қарасангиз ва у рўйхатда бўлмаса, бу бемаънилик.
Ўйинчиларни қандай меъзонларга кўра танлашларини билмайман. Улар орасида ажойиб ўйинчилар ҳам бор, лекин менимча, Родри ғалаба қозониш учун ажойиб номзод ва афсуски, у рўйхатда йўқ", - дея Эдерсоннинг сўзларини келтиради ESPN.
