"Реал Мадрид" 23 ўйиндан бери мағлуб бўлмаяпти.
Карло Анчелотти шогирдлари Ла Лиганинг 36-турида "Алавес"ни мағлуб этди (5:0).
Мадридликлар охирги марта 18 январь куни Испания кубоги доирасида "Атлетико"га мағлуб бўлганди. Ўшандан бери улар 17 марта ғалаба қозонишган (Чемпионлар лигасида "Манчестер Сити" устидан пенальтилар сериясидаги ғалабани ҳисобга олган ҳолда) ва 6 марта дуранг ўйнашган.
Ла Лигада мағлубиятсиз серия 30 та ўйинни ташкил этади. "Реал Мадрид" ҳеч қачон бир мавсумда 30 та ўйинни мағлубиятсиз ўтказмаган. Турли мавсумларни ҳисобга олсак, энг яхши натижа 30 ўйин (1988 йил майидан 1989 йил апрелигача) ҳисобланади.
