“Ливерпул”нинг собиқ ҳужумчиси Садио Мане Европага қайтиши мумкин. 32 ёшли сенегаллик футболчи фаолиятини Испания чемпионатида давом эттириш имкониятига эга. "Жирона" тажрибали футболчини ўз сафига қўшиб олмоқчи.
Каталония клуби раҳбарияти УEФА Чемпионлар лигасининг кейинги мавсумида иштирок этишдан олдин жамоани кучайтирмоқчи. Айни пайтда Садио Саудия Арабистони чемпионатида "Ан-Наср" клуби сафида тўп тепмоқда.
Томонлар ўртасидаги меҳнат шартномаси муддати 2026 йил июнь ойи охиригача ҳисобланади.
