"Реал Мадрид" яқинда "Бавария"ни 2:1 ҳисобида мағлуб этиб, Чемпионлар лигаси финалчисига айланди.
Мюнхенликлар иккинчи бўлимнинг қўшиб берилган вақтидан норози бўлишди.
Шундан сўнг тўп “Реал” дарвозасидан жой олди, бироқ сал аввалроқ офсайд сабаб ҳакам ҳуштаги янграганди.
"Реал" ярим ҳимоячиси Тони Кроос "Бавария"нинг даъволарини асоссиз деб ҳисоблайди. “У ерда гол бормиди? Мен Начо билан гаплашдим. У ҳуштакни анча эрта эшитганини айтди. Агар ҳуштак бўлмаганида, зарбани тўсиб қўйган бўларди, деган ишончи бор.
Қолаверса, ҳуштак чалинганидан кейин Лунин бефарқ бўлди. Кўряпсизми, у ҳатто йиқилмаган, ҳатто жамоани қутқаришга уринмаган ҳам”, деди Кроос Einfach mal Luppen подкастида.
