Карло Анчелотти "Реал"дан Ферлан Менди билан шартномани узайтиришини истамоқда.
28 ёшли ҳимоячи янги машғулот ва дам олиш режими билан жароҳатларини камайтиришга муваффақ бўлди, бу эса клубни шартномани узайтириш ҳақида ўйлашга ундади. Мендининг "Реал" билан амалдаги шартномаси 2025 йилда якунига етади.
Анчелотти футболчининг клубда қолишига қизиқмоқда. Relevo'нинг хабарига кўра, спорт раҳбариятидан кимдир италияликдан ҳимоячи ҳақида сўраса, у худди шундай жавоб беради: "Мен у билан шартномани ҳозироқ янгилаган бўлардим, чунки у дунёнинг энг яхши чап қанот ҳимоячиси".
Мадрид клуби ва Карло яна "Бавария"дан Альфонсо Дэвисга қизиқиш билдирмоқда. У чап қанот ҳимояси муаммосига узоқ муддатли ечим сифатида қаралмоқда. Муаммо шундаки, "Бавария" сўраётган трансфер нархи - 60-70 миллион евро атрофида.
Қайд этилишича, “Реал” бош мураббийи Фран Гарсияни асосий таркиб футболчиси сифатида кўрмайди. У ёзда вазиятга қариб ижарага кетиши ёки сотилиши мумкин.
