"Манчестер Юнайтед" сардори Бруну Фернандеш "Ньюкасл"га қарши ўйиндан сўнг ўз фикрларини билдириб ўтди.
Учрашув чоршанба куни Англия чемпионатининг 34-тури доирасида бўлиб ўтди ва “қизил иблислар”нинг 3:2 ҳисобидаги ғалабаси билан якунланди.
"Ишимиз ҳали якунига етмагани кўриниб турибди. Бизда Премьер-лиганинг яна бир ўйини ва кейин Англия кубоги финали бор. Бу қийин мавсум, буни жадвал кўрсатиб турибди. Бизни бутун мавсум давомида қўллаб-қувватлаган ажойиб мухлисларимиз бор. Улар биз учун қилаётган ишларини қадрлаймиз. Олдинда иккита ўйин бор ва биз уларда ғалаба қозонишимиз керак", - дея португалияликнинг сўзларидан иқтибос келтиради BBC.
