Альфонсо Дэвис "Бавария"да қолиши мумкин.
Bild журналистлари Тоби Алтьшаффл ва Кристиан Фалькнинг фикрича, ҳимоячи ўзини Мюнхен клубида яна бир неча йил ўтказишини тасаввур қилиши мумкин. Унинг атрофидагиларнинг таъкидлашича, футболчи бу вариантни жуда жозибали деб билади.
Канадалик футболчининг "Бавария"да қолиш истаги ҳам уни сотиб олишга қизиқаётган "Реал Мадрид"нинг пассивлиги билан боғлиқ.
Қайд этилишича, Дэвис маошларни муҳокама қилишда ён беришга ҳозирча тайёр эмас. Аввалроқ у йилига 20 миллион евро талаб қилаётгани хабар қилинганди.
