Эрик тен Хаг Харри Магуайр Англия кубоги финалида "Ман Сити"га қарши ўйнашини айтиб ўтди.
"Манчестер Юнайтед" 25-май куни "шаҳарликлар"га қарши ўйнайди.
"Биз Магуайр ва Шоунинг кубок финалида ўйнаши устида ишлаяпмиз. Менимча, Харрида майдонга тушиш учун яхши имконият бор. Биз буни режалаштирмоқдамиз.
Люкнинг аҳволи анча мураккаб. Айни дамда, айтайлик, майдонга тушиш имконияти камроқ. Унинг жароҳати қайталанди ва энди бу қанчалик жиддий эканини аниқлашимиз керак", - деди “Манчестер Юнайтед” бош мураббийи.
Шоу охирги марта февралда, Магуайр эса 27 апрелда ўйнаган.
