"Бавария" миланлик футболчининг трансферини фаол муҳокама қилмоқда. Инсайдер Кристиан Фалк берган маълумотларга кўра, "қизил машина" чап қанот ҳимоячиси Тео Эрнандесга жиддий эътибор қаратган.
Маълум қилинишича, франциялик футболчининг манфаатларини Теонинг 2019 йилдан 2023 йилгача “Бавария”да ўйнаган акаси Лука билан ишлайдиган агент ҳимоя қилади. Агентнинг Мюнхен жамоасига айтишича, миланлик чап қанот ҳимоячиси хизматларига "Манчестер Юнайтед" ва "Манчестер Сити" ҳам қизиқиш билдирмоқда.
Жорий Италия чемпионатида 26 ёшли Эрнандес 31 учрашувда 5 та гол ва 4 та голли узатмани амалга оширди.
