"Марсель" бош мураббийи Жан-Луи Гассе 2023/24 йилги мавсум якунида профессионал фаолиятини якунлашини маълум қилди.

“Якшанба ҳақиқатан ҳам фаолиятимдаги сўнгги ўйин бўлади. Мен мураббийликни тугатаман, бу менинг якуний қарорим", - дея Гассе сўзларини келтиради Actu Foot.

70 ёшли Гассе 2024 йилнинг февралидан бери "Марсел"ни бошқариб келмоқда. Унинг қўл остида жамоа 8 марта ғалаба қозонган, 3 марта дуранг ўйнаган ва 10 марта мағлубият аламини тотиб кўрган.

Жорий мавсумда “Марсель” 33-турдан кейин 47 очко жамғариб, Лига 1 турнир жадвалида 8-ўринда бормоқда.