"Marsel" bosh murabbiyi Jan-Lui Gasse 2023/24 yilgi mavsum yakunida professional faoliyatini yakunlashini ma’lum qildi.
“Yakshanba haqiqatan ham faoliyatimdagi so‘nggi o‘yin bo‘ladi. Men murabbiylikni tugataman, bu mening yakuniy qarorim", - deya Gasse so‘zlarini keltiradi Actu Foot.
70 yoshli Gasse 2024 yilning fevralidan beri "Marsel"ni boshqarib kelmoqda. Uning qo‘l ostida jamoa 8 marta g‘alaba qozongan, 3 marta durang o‘ynagan va 10 marta mag‘lubiyat alamini totib ko‘rgan.
Joriy mavsumda “Marsel” 33-turdan keyin 47 ochko jamg‘arib, Liga 1 turnir jadvalida 8-o‘rinda bormoqda.
