Шанба куни тушдан кейин Бундеслигада жорий мавсум якунига етади.
"Боруссия Дортмунд" ва "Дармштадт" ўртасидаги баҳс Марко Ройс учун сўнгги уй ўйини бўлади.
Жамоа ўзининг севимли қаҳрамони билан хайрлашар экан, дортмундликлар бош мураббийи Эдин Терзич Ройсга жамоа сардорлигини ишониб топширади. Бу унинг содиқлиги учун мукофот бўлади.
“Мен вақтинчалик мураббий бўлганимда Марко Ройс билан уйимда бўлган биринчи суҳбатни эслайман. Ўшанда мен унга ваъда берган эдим.
Албатта, бу мавсум у учун ҳам, мен учун ҳам осон бўлмади. "Дармштадт"га қарши ўйинда у жамоани сардор сифатида майдонга олиб чиқади", – деди мураббий.
Эслатиб ўтамиз, "Боруссия"нинг амалдаги сардори Эмре Жан ҳисобланади.
