"Барселона" бош мураббийи Хави Каталония клуби президенти Жоан Лапорта билан шахсий учрашув ўтказиб, унинг "кўк-анорранглилар" сафидаги келажаги ҳақида гаплашмоқчи. Бу ҳақда AS хабар бермоқда.
Манбанинг ёзишича, Хави ҳозирги вазиятга ойдинлик киритишга тайёр, бироқ у вазият бундай ривожланаётганидан хафа. Такидланишича, испаниялик мутахассис Лапортанинг Испания Ла Лигасининг 36-туридан ўрин олган "Альмерия"га (0:2) қарши ўйинга учмаслик қароридан ҳайратда қолган.
Эслатиб ўтамиз, аввалроқ ОАВда Лапорта Хавининг "кўк-анорранглилар" таркибини яхшилаш зарурлиги ва клубнинг оғир иқтисодий аҳволи туфайли буни амалга оширишдаги қийинчиликлар ҳақидаги сўзларидан сўнг жаҳли чиққани ҳақида маълумотлар пайдо бўлган эди.
