"Интер Майами" бош мураббийи Херардо Мартино жамоа ҳужумчиси Лионель Мессининг саломатлиги ҳақида гапирди. 36 ёшли аргентиналик яқинда МЛС доирасидаги “Орландо”га қарши ўйинни ўтказиб юборганди.
"Лео тиззасидан олган жароҳати туфайли майдонга тушмади. Жароҳат ҳамон уни безовта қилмоқда. У ноқулайликни бошдан кечиришда давом этмоқда. Биз унинг ёши ва жисмоний ҳолатини ҳисобга оламиз. Шубҳасиз, унинг ёши эътибордан четда қолмайдиган омил", - деди мураббий.
МЛСнинг жорий мавсумида 36 ёшли ҳужумчи тўққизта ўйинда майдонга тушиб, ўнта гол ва тўққизта голли узатмани амалга оширди.
