Мадриднинг "Реал" клуби бош мураббийи Карло Анчелотти Испания чемпионати доирасида "Вильярреал"га қарши ўйинда дарвозабон Андрей Лунин асосий таркибда майдонга тушишини тасдиқлади.
"Лунин «Вильярреал» билан ўйинда асосий таркибда майдонга тушади. Куртуа захира ўриндиғида бўлади", - дея тушунтирди Анчелотти матбуот анжуманида.
Эслатиб ўтамиз, Испания чемпионатининг сўнгги ўйинларида жиддий жароҳатдан яқинда фориғ бўлган Тибо Куртуа "қироллик клуби"нинг асосий таркибидан жой олганди. Мавсумнинг кўп қисмида "Реал Мадрид"нинг асосий дарвозабони Андрей Лунин бўлди.
