Ўзбекистон миллий терма жамоаси ЖЧ-2014 саралаш 4-босқич «А» гуруҳи 7-тур учрашувлари доирасида Ливан терма жамоасини қабул қилди ва 1:0 ҳисобида ғалаба қозонди.
Ушбу ғалабадан сўнг Ўзбекистон миллий терма жамоаси очколари сонини 11тага етказиб, «А» гуруҳидаги пешқадамлигини сақлаб қолди. Ўзбекистон миллий терма жамоаси саралаш кампанияси доирасидаги навбатдаги ўйинни 9-тур доирасида 11 июнь куни сафарда Жанубий Корея терма жамоасига қарши ўтказади.
Ливан терма жамоасига қарши учрашувдан сўнг ўз фикрлари билан ўртоқлашаркан, Ўзбекистон миллий терма жамоаси бош мураббийи Миржалол Қосимов ажойиб тарзда қўллаб-қувватлаб турганликлари учун мухлисларга миннатдорлик билдирди. Ливан терма жамоаси бош мураббийи Тео Бюкернинг фикрича, «А» саралаш гуруҳидаги кураш Жанубий Корея, Эрон ва Ўзбекистон миллий терма жамоалари ўртасида кечади.
Қуйида Ўзбекистон – Ливан ўйинидан тайёрланган фоторепортаж билан танишишингиз мумкин. Суратлар муаллифи – Ҳасан Пирмуҳамедов (ЎФФ матбуот хизмати).
