Паоло Монтеро "Ювентус" бош мураббийи вазифасини бажарувчисига айланди.
Олдинроқ "Ювентус" Массимилиано Аллегри билан ҳамкорликни тўхтатганини эълон қилганди.
2022 йилдан буён "Ювентус U19"ни бошқариб келаётган 52 ёшли уругвайлик Монтеро туринликлар жамоасини сўнгги икки ўйинда – 20-май куни "Болонья" ва 26 май куни "Монца"га қарши ўйинда бошқаради.
Клуб 4-ўринни эгаллаб, Чемпионлар лигасида иштирок этишни таъминлаган.
Эслатиб ўтамиз, Монтеро 1996 йилдан 2005 йилгача "Ювентус"да ўйнаган. У клуб билан 10 та соврин ютган ва уч марта Чемпионлар лигаси финалида ўйнаган.
