"Арсенал" ярим ҳимоячиси Мартин Эдегор Англия чемпионатининг 2023/2024 йилги кумуш медалларини қўлга киритгани ҳақида фикр билдирди.
"Бу ерга биринчи келганимдаги ва ҳозир кўрганларимдаги фарқ катта. Биз клубни ўзгартирдик. Ўйлайманки, ҳозир ҳаммангиз бизга ишонасиз. Биз яхши тўлқиндамиз, ўтган йилга қараганда чемпионатга яқинроқ эдик. Энди бу танаффусдан фойдаланиб, кейинги мавсумда янада кучлироқ қайтишимиз керак. Биз ҳамма нарсада ғалаба қозонишга интиламиз", - деди Эдегор Goal билан суҳбатда.
"Манчестер Сити" Англия чемпионига айланди. Пеп Гвардиола шогирдлари 38 учрашувда 91 очко тўплашди. Иккинчи ўринни "Арсенал" (89), учинчи ўринни "Ливерпуль" (82) эгаллади. "Лутон Таун", "Бёрнли" ва "Шеффилд Юнайтед" мавсум якунида Чемпионшипга тушиб кетишди.
