"Манчестер Сити" ярим ҳимоячиси Кевин де Брюйне жамоанинг жорий мавсум Англиядаги чемпионлиги ҳақида фикр билдирди.
"Бу туйғу худди биринчи марта бўлгани каби ажойиб. Биз бу борада жуда кўп ишладик. Бу йил "Арсенал" ва "Ливерпуль" билан қийин жанг бўлди ва биласизки, бу ерда яна бўлиш ва тарихий иш қилиш ажойиб.
Бу мен учун энг ўзига хос унвонлардан бири, чунки мен қийин йилни ўтказдим, олти ойга сафдан чиқдим, лекин имконим борича қайтиб келдим. Жамоага ғалаба қозонишга ва яхши савияда бўлишга ёрдам бердим. Шахсан мен учун бу ўзига хос нарса", - деди Де Брюйне.
"Манчестер Сити" кетма-кет тўртинчи марта Англия чемпиони бўлиб, мамлакат рекордини ўрнатди. Жамоа 38 учрашувда 91 очко жамғарган.
