"Рубин" ярим ҳимоячиси Умарали Раҳмоналиев клуб бош мураббийи Рашид Раҳимовнинг кетиши мумкинлиги ҳақида гапирди.
“Албатта, мен Рашид Раҳимовнинг “Рубин”да қолишини истардим. Лекин у ушбу мавсумдан кейин жамоада қола оладими ёки йўқлигини айта олмайман. Бу менинг ишим эмас. Агар у биз билан қолса, биз у билан ишлаймиз. Мен Рашид Раҳимов билан ишлашдан мамнунман ва у билан бирга ўсаётганимни ҳис қиляпман", деди Раҳмоналиев.
Кеча РПЛнинг 29-тури доирасида “Рубин” сафарда “Спартак”га 1:3 ҳисобида имкониятни бой берди. "Рубин" РПЛда 41 очко жамғариб, еттинчи ўринда бормоқда.
