"Нерадзуррилар" сардори Скудетто ҳақида гапирди.
"Бугун "Интер" учун оддий кун эмас. Бугун мен учун оддий кун эмас. Мен бу кубокни бошим узра кўтарганимдан жуда ҳаяжонландим ва бу алоҳида кун.
“Интер” мухлислари каби менинг оилам ҳам шу ерда. Биз бугун ғалаба қозонишни хоҳлагандик, аммо "Лацио" Чемпионлар лигаси учун курашмоқда ва улар ҳам қўлларидан келганларини қилишди.
"Интер"га келганимда бундай муваффақиятга эришаман деб ўйламагандим, лекин ўша пайтдан бери жамоадошларим ва ходимлар билан бирга жуда кўп меҳнат қилдик.
Биз бу номга лойиқмиз ва бу мавсумда қилган ишимиз билан фахрланишимиз керак. Дербидан кейин юрагимда турли туйғулар пайдо бўлди.
Биз Италия кубоги ва Чемпионлар лигасидан чиқиб кетганимиздан афсусда эдик, кейин эса ўтган йили финал ҳақида ўйладим.
Буларнинг барчасини кўз ёшларимдан топиш мумкин эди. Биз бу ғалабага машаққатли меҳнат ва фидойилик эвазига эришдик ва буни давом эттиришимиз керак. Бизнинг диққатимиз майдонга қаратилган ва биз хотиржаммиз. Бугун биз "нерадзуррилар" оиласидамиз ва атрофимиздаги барча байрамлардан завқ олишимиз керак”, – деди футболчи.
