Ўзбекистон Суперлигаси 8-тури доирасида "Пахтакор" клуби билан дуранг ўйнаган "Динамо" бош мураббийи Вадим Абрамов дуранг ҳақида ўз фикрини билдирди.
"Сўнгги ўйинларда негадир омад келмаяпти, кетма-кет дуранг ўйнаяпмиз. Бугун яна дуранг ўйнаб очко йўқотдик. Аслида, ғалабага лойиқроқ эдик. Бугун жамоа икки очко йўқотди.
Улуғбек Абдуллаейвда шамоллаш аломатлари борлиги учун машғулотларга кеча қўшилганди. Шунинг учун бугун ўйиннинг дастлабки дақиқаларида анча қийналди. Рақиб футболчилари уни бир неча маротаба алдаб ўтганини кўрдик. Ўзини эркин ҳис эта олмади. Темировга келса, у ўйинга киришиб кета олмагани учун алмаштиришга қарор қилдик. Бу пайтда ҳисобда орқада қолаётгандик ва яна гол ўтказиб юбориш ҳавфи бўлгани учун шундай қилдик.
Айтганимдек, дуранг бизни қониқтирмади. Футболчилар ҳам ушбу дурангдан ҳафалар. Боиси, бугун ғалабага мос ўйин кўрсатгандик. Навбатдаги баҳсларда омад келар.
Албатта, стадионга келган мухлислар қаршисида жамоа бошқача завқ билан ўйнайди. Мухлисларнинг қўллаб-қувватлаши катта аҳамиятга эга. Агар ўз стадионимизда ўйнасак, бошқачароқ ўйнашимиз мумкин эди. Бугун ҳам жамоани доимгидек қўллаб туришди.
Черанни қўриқлашда бироз ақллироқ бўлиш керак. Бўйдор бўлгани учун ҳимоячиларга анча хавф туғдиради. Аммо, унинг ўзини қўриқламай, балки ундан келадиган тўпларни қўриқласа хафв камроқ бўлади. Чунки, у боши билан тўпни шеригига қулай ташлаб беради. Биз эса шуни олдини олиб, у узатадиган пасларни блоклашимиз керак", - деди Абрамов.
