Грузия терма жамоаси Евронинг финал босқичига чиққани учун 1 миллион доллар бонус олади.
“Европа чемпионатига чиқиш учун жамоага 850 минг лари (тахминан 309 минг доллар) миқдорида бонус берилади.
Биз буни Маданият ва спорт вазирлиги билан муҳокама қилдик ва бонус миқдорини 3 миллион ларигача оширишга қарор қилдик, 3 миллион лари (тахминан 1,09 миллион доллар) ажратилади”, — деди Грузия бош вазири Ираклий Кобахидзе.
Март ойи охирида Грузия терма жамоаси Евро-2024 саралаши учун плей-офф финалида Грецияни мағлуб этди (0:0, пенальтилар бўйича 3:2) ва ўз тарихида биринчи марта йирик халқаро турнирнинг финал босқичига чиқди.
Европа чемпионати 2024 йилнинг 14 июндан 14 июлига қадар Германияда бўлиб ўтади. Грузия жамоасининг F гуруҳидаги рақиблари Туркия, Чехия ва Португалия терма жамоалари бўлади.
