Россия терма жамоасининг собиқ футболчиси Александр Мостовойнинг фикрича, ЦСКА вакили Аббосбек Файзуллаев РПЛда мавсум кашфиёти бўлди.

“Аббосбек Файзуллаев - РПЛда мавсум кашфиёти. Йигит бизнинг чемпионатимизга жуда ёрқин кириб келди ва ЦСКАнинг ҳужум чизиғидаги муаммоларини ҳал қилди. Агар Аббос бунчалик тез мослашиб, юқори савияда ўйнамаганида, "ҳарбийлар" жамоаси учун мавсум бундан ҳам ёмонроқ кечиши мумкин эди. Ўйлайманки, ёш Файзуллаевдан бундай ишончли дебютни кам одам кутганди", - дея Мостовойдан иқтибос келтиради РБ Спорт.

Жорий мавсумда 20 ёшли ҳамюртимиз барча турнирлар доирасидаги 31 учрашувда 5 та гол урди ва 11 та голли узатмани амалга оширди.