Ҳимоячи Лени Йоро ёзги трансфер ойнасида "Лилл"дан "Реал"га эмас, балки "ПСЖ"га ўтиши мумкин. Лига 1 гиганти Йоронинг 50 миллион евро эвазига "Лилль" билан принципиал келишувга эришган.
"ПСЖ" "Лилль" билан келишувга эришди, аммо футболчининг ўзи билан келиша олмаган кўринади. Манбанинг таъкидлашича, 18 ёшли ҳимоячи "Реал"га ўтишни афзал кўрмоқда. Энди Мадрид клуби ўз сўзини айтиши керак.
Олдинроқ матбуотда "Реал" Йоро учун ортиқча пул тўлаш ниятида эмаслиги, чунки унинг амалдаги шартномаси фақат 2025 йилнинг ёзига қадар тузилгани ҳақида маълумотлар пайдо бўлганди.
