Англияда ВАР иш тартиби кўриб чиқилади.
Олдинроқ “Вулверхэмптон” АПЛ раҳбариятига видеотакрорларни бекор қилишга чақирувчи сўров юборгани маълум бўлганди.
6 июнь куни бўлиб ўтадиган умумий йиғилишда клуб вакиллари бундай қадамни ёқлаб ёки қарши овоз беришади.
The Times нашрининг ёзишича, лига ва ҳакамлар органи PGMOL ҳам ВАРни бекор қилиш эмас, балки такомиллаштириш кераклигига ишончи комил. Видеотакрорларни бекор қилиш таклифи керакли 14 овозни олиши кутилмаяпти.
Агар ВАР кейинги мавсумда Англия лигасида қолса, у фақат майдондаги ҳакамлар яққол хатоларга йўл қўйгандагина аралашади.
